బంజారాల ఆత్మగౌరవ నిరసన సభకు తరలిన బంజార నాయకులు

జనగామ, మన ప్రజాపక్షం : ఎస్టీ జాబితా నుండి లంబాడిలను తొలగించాలని కాంగ్రెస్ ఎమ్మెల్యే తెల్లం వెంకట్రావు మరియు సోయం బాబురావు చేస్తున్న కుట్రపూరిత రాజకీయాలకు నిరసనగా హైదరాబాద్ లో ఇందిరా పార్క్ వద్ద రాష్ట్ర ఎల్-జెయేసి ఆధ్వర్యంలో లంబాడిలా ఆత్మగౌరవ సభ నిర్వహించడం జరిగింది. ఈ సభలో లంబాడిలు వలసవాదులు కాదు మూలవాసులం అని రాష్ట్ర వ్యాప్తంగా లంబాడిలు అందరూ ఏకమై నిరసన నిర్వహించడం జరిగింది. ఈ కార్యక్రమంలో ఎల్జెఎసి జనగామ జిల్లా కన్వీనర్లు కొర్ర రాజేందర్ నాయక్, బిక్షపతి నాయక్, రఘునాథపల్లి ఎల్హెచ్పిఎస్ నాయకులు సంతోష్ నాయక్, కృష్ణ నాయక్, మల్లేష్ నాయక్, చంద్రశేఖర్ నాయక్, మహేష్ నాయక్ తదితరులు పాల్గొన్నారు.