అంజిరెడ్డిపై అనుచిత వ్యాఖ్యలను ఖండిస్తున్నాం

మఖ్తతల్, మన ప్రజాపక్షం :ఏబీవీపీ నగర అధ్యక్షుడు అంజి రెడ్డిపై చేసిన అనుచిత వ్యాఖ్యలను ఖండిస్తూ ఆ సంఘం నాయకులు శనివారం పత్రిక సమావేశం నిర్వహించారు. ఈ సమావేశంలో ఏబీవీపీ రాష్ట్ర కార్యవర్గ సభ్యులు వినయ్ కుమార్ మాట్లాడుతూ గతంలో మఖ్తల్ మున్సిపాలిటీ నుండి జాతీయ రహదారి వైపు వెళ్లే దారికి గతంలో భగత్ సింగ్ చౌరస్తాగా నామకరణం చేశారు. అయితే దేశభక్తుడి పేరును చౌరస్తాగా ప్రకటించడంతో ఏబీవీపీ మఖ్తల్ సమాజం కూడా స్వాగతిస్తూ పలు కార్యక్రమాలలో పాల్గొనడం జరిగింది. అయితే సెప్టెంబర్ 17 రోజున ఆ చౌరస్తాకు మెజారిటీ హిందువుల మనోభావాలను దెబ్బతీసేలా శ్రీరాముడిని అత్యంత హేయంగా అవమానించేలా చేసినటువంటి పెరియర్ అనే ఒక వ్యక్తి యొక్క పేరు మీదుగా చౌరస్తా ప్రకటన చేయడం జరిగింది. దాన్ని ఖండిస్తూ మక్తల్ హిందూ సంఘాల ఆధ్వర్యంలో సంబంధిత మునిసిపాలిటీ అధికారులకు మరియు పోలీసు శాఖ వారికి వినతి పత్రాలు అందించడం జరిగింది. అయితే దానిని కేవలం ఒక వ్యక్తికి ఆపాదిస్తూ ఏబీవీపీ నగర అధ్యక్షుడు అంజిరెడ్డిపై ఆ చౌరస్తా నామకరణం చేసిన సంఘాల సభ్యులందరూ కలిసి అంజి రెడ్డపై చర్యలు తీసుకోవాలని వినతి పత్రాన్ని అందజేయడం నిజంగా ఏబీవీపీపై అలాగే ఆ సంస్థ అధ్యక్షుడిపై ఆ సంఘాలకు ఉన్న వ్యక్తిగత అక్కసు ఏంటో స్పష్టమవుతున్నదని అన్నారు. ఆ ప్రకటనలో వారు మాట్లాడుతూ ఏబీవీపీ నగర అధ్యక్షుడు అంజిరెడ్డిని మాత్రమే ఉద్దేశిస్తూ మఖ్తల్ లో విద్వేషాలు రెచ్చగొట్టేందుకు అంజిరెడ్డి ప్రయత్నిస్తున్నారని మాట్లాడడం నిజంగా హాస్యాస్పదమని, అంజి రెడ్డి మఖ్తల్ లో పాఠశాల – కళాశాల నిర్వహిస్తూ పాలమూరు హైదరాబాద్ వెళ్లే ఎందరో విద్యార్థులకు మఖ్తల్ కేంద్రంగానే నాణ్యమైన విద్యను అందించేందుకు కృషి చేస్తూ ఎన్నో సార్లు జిల్లా,రాష్ట్ర స్థాయిలో ఉత్తమ ఫలితాలు కూడా సాధించారనేది ఈ విమర్శకులు గమనించలేదని అన్నారు. ఇక స్వామి వివేకానంద చౌరస్తా సంబంధించి మఖ్తల్ పట్టణంలోని నాయకులు మక్తల్ పట్టణ పెద్దలు అందరితో చర్చించి జాతీయ రహదారి రోడ్డు విస్తరణ జరిగిన నేపథ్యంలో ఒక జాతీయవాద నాయకుడు సమాజానికి ఆదర్శంగా అందరూ స్వాగతించేలా నిలిచే ఒక మహనీయుడి విగ్రహం స్థాపించాలని చర్చించి పడమటి ఆంజనేయ స్వామి దేవాలయం ముందున్నటువంటి చౌరస్తాకు స్వామి వివేకానంద చౌరస్తాగా పేరు ప్రకటించడం జరిగింది. అయితే దాన్ని ఏబీవీపీ ఆధ్వర్యంలో నిర్వహించాలని కూడా నిర్ణయం తీసుకోవడం జరిగింది. అయితే ఆ విషయాన్ని కూడా ప్రస్తావిస్తూ అంబేద్కర్ ను అవమానిస్తున్నాం అనే కోణంలో మీరు ప్రకటించడం ఏబీవీపీ తీవ్రంగా ఖండిస్తున్నాదని అన్నారు. పైగా ఆ ఫిర్యాదు చేసిన సంఘాలు రాజకీయ పార్టీలు మేము వివేకానంద చౌరస్తాను స్వాగతించామని మీరు పెరియార్ ను తిరస్కరించినట్లు మేము వివేకానందను తిరస్కరించలేదని తెలియజేయడం కూడా ఒక నవ్వొచ్చిన సంఘటన ఎందుకంటే మేము ప్రకటించిన స్వామి వివేకానందను తిరస్కరించడానికి ఏ ఒక్క అంశం కూడా లేదు కాబట్టే వారు స్వాగతించారు. కానీ మీరు ప్రకటించిన పెరియార్ అనే ఒక వ్యక్తి ఎవరైతే ఉన్నారో వారు భారతదేశానికి చేసిన సేవలు గడించిన కీర్తి ప్రతిష్టలను పక్కనపెడితే భారతదేశంలోని మెజారిటీ ప్రజల హిందువుల యొక్క ఆరాధ్య దైవమైన శ్రీరామచంద్రుడిని అవమానించడం ఆర్య ద్రవిడ వాదంతో భారత దేశ ప్రజలను విచ్ఛిన్నం చేయడం, ద్రావిడ రాష్ట్రాలు ఏవైతే ఉన్నాయో వాటిని భారతదేశంలో కలపకుండా ఉండేందుకు తీవ్ర ప్రయత్నం  చేయడం, కారణమేదైనప్పటికీ రాజ్యాంగ ప్రతులను తగలబెట్టడం ఇవన్నీ కూడా రాబోయే తరాలకు ఏం సందేశం ఇవ్వాలనే ఉద్దేశ్యంతో అలాంటి వ్యక్తిని సమాజానికి పరిచయం చేస్తున్నారో  తెలుసుకోవాల్సిన అవసరం రాజకీయ నాయకులపై విద్యార్థి యువజన సంఘాలపై ఉన్నదని తెలియజేస్తూ హిందూ సంఘాలు సూచించినట్లు వెంటనే సంబంధిత అధికారులు స్పందించి ఆ యొక్క చౌరస్తాకు వేరే జాతీయ నాయకుడు లేదా మహనీయుల పేరును ప్రకటించని యెడల మక్తల్ పట్టణ ప్రజలు, పెద్దలు, హిందూ ధార్మిక సంఘాలు సమావేశం ఏర్పాటు చేసుకొని ఒక నిర్ణయం తీసుకునే అవకాశం ఉందని తెలియజేస్తూ మరొకసారి ఏబీవీపీ నగర అధ్యక్షుడిపై లేదా ఏబీవీపీ సంస్థపై ఇలాంటి ఆరోపణలు చేస్తే సహించేది లేదని తెలిపారు. ఈ కార్యక్రమంలో ఏబీవీపీ నగర కమిటీ సభ్యులు, కళాశాలల కమిటీ సభ్యులు ఆనంద్, అనిల్,నవీన్, వివేక్, సాయి చరణ్, రాకేష్, రాజు, శ్రీధర్ తదితరులు పాల్గొన్నారు.