ప్రభుత్వం పత్తికొనుగోలు కేంద్రాలు ప్రారంభించాలి

నారాయణపేట, మన ప్రజాపక్షం :పత్తి కొనుగోలు కేంద్రాలు ఇప్పటికీ ప్రారంభం కాలేదు. రైతులు మొదటి దఫా పత్తిని తీస్తున్నారు. వర్షాల వల్ల పత్తితడిసి రైతులు నష్టపోయే అవకాశము ఉంది. తీసిన పత్తిని నిలువ చేసుకొనే సౌకర్యం రైతులకు ఉండదు. ప్రభుత్వం కనీస మద్దతు ధర (ఎంఎస్పి)పొడువు పింజ రూ.8110, మధ్యస్థ పింజ రూ.7710 లుగా ఉన్నది. ఈ ధరలు ఎక్కడ అమలు కావటం లేదు. 6వేల లోపే బహిరంగ మార్కెట్లో పత్తి ధర పలుకుతున్నది. కేంద్రంలోని బీజేపీ ప్రభుత్వం రైతులను ఆదుకుంటామని ఎన్నికలకు ముందు వాగ్దానాలు చేశారు. పత్తిపై ఉన్న దిగుమతి సుంకం జీరో సుంకంగా మార్చినారు. విదేశాల నుండి దేశంలోకి పత్తి విరివిగా దిగుమతి అవుతున్నది. బట్టల మిల్లుల యజమానులు అవసరమైనంత కొనుగోలు చేసుకుంటున్నారు. గోదాములల్లో నిలువ చేసుకుంటున్నారు. పత్తి ఉత్పత్తి అయ్యి మార్కెట్ కి వస్తున్న సందర్భంగా భారత ప్రభుత్వం తీసుకున్న ఈ నిర్ణయం వల్ల పత్తి రైతులు తీవ్రంగా నష్టపోతారు. అందువల్ల ఎత్తివేసిన దిగుమతి సుంకాలున్ని పునరుద్ధరించాలని అఖిల భారత ఐక్య రైతు సంఘం (ఏఐయుకెఎస్) రాష్ట్ర కార్యదర్శి బి.రాము అన్నారు. నారాయణపేట మండలంలోని అప్పక్ పల్లి గ్రామం దగ్గర గల ప్రైవేట్ పత్తి కొనుగోలు కేంద్రంను ఆయన సందర్శించారు. మిల్లు యజమానులతో మాట్లాడుతూ పత్తి కొనుగోలు వెంటనే ప్రారంభించాలని వారిని కోరారు. ప్రభుత్వం నిర్ణయించిన కనీస మద్దతు ధరలను అమలయ్యేలాగా చూడాలని వారితో అన్నారు. పత్తి రైతులను, పాడి ఉత్పత్తి రైతులను, మత్స్య కారులను అడ్డుగోడగా నిలిచి ఆదుకుంటామని నరేంద్ర మోడీ ఢిల్లీఎర్రకోట సాక్షిగా స్వాతంత్ర దినోత్సవం నాడు జెండాని ఎగుర వేసి ప్రజలకు వాగ్దానం చేశారు. వ్యక్తిగతంగా ఎలాంటి మూల్యాన్ని చెల్లించి అయినా రైతుల ప్రయోజనాలను కాపాడుతామని 7.8.2025 నాడు అన్నారు. 19.8.2025 నాడు అమెరికా భారత్ పరస్పర వాణిజ్య ఒప్పందాల్లో భాగంగా అమెరికా షరతులకు లొంగి పత్తి దిగుమతి పై ఉన్న సుంకాన్ని తొలగించి భారత రైతులను ఇబ్బందులకు గురిచేయడం సరైనది కాదు అని ఆయన అన్నారు.