నిర్మల్, మన ప్రజాపక్షం :నిర్మల్ జిల్లా ఎస్పీ డా. జి.జానకి షర్మిల ఆదేశాల ప్రకారం నిర్మల్ డివిజన్ పరిధిలో మైనర్లు డ్రైవింగ్ చేసిన చిన్నారులను గుర్తించి వారు నడుపుతున్న వాహనాలను పోలీసులు స్వాధీనం చేసుకున్నారు. రహదారులపై అప్రమత్తత లేకుండా చిన్న వయసులో వాహనాలు నడపడం వల్ల తరచుగా ప్రమాదాలు జరుగుతున్న నేపథ్యంలో ఈ చర్యలు చేపట్టినట్లు పోలీసులు తెలిపారు. నిర్మల్ జిల్లా ఎస్పీ ఆదేశాల మేరకు నిర్మల్ ఏఎస్పీ రాజేష్ మీన ఆధ్వర్యంలో వాహనాలు నడుపుతూ పట్టుబడిన చిన్నారులను మరియు వారి తల్లిదండ్రులకు పట్టణంలోని టౌన్ పోలీస్ స్టేషన్లో కౌన్సెలింగ్ నిర్వహించారు. మైనర్ డ్రైవింగ్ వల్ల కలిగే ప్రమాదాలు, ప్రాణనష్టం, కుటుంబాలపై పడే భారం, అలాగే చట్టపరమైన పరిణామాల గురించి విపులంగా వివరించారు. కౌన్సెలింగ్ సందర్భంగా తల్లిదండ్రులు జాగ్రత్తగా ఉండి తమ పిల్లలకు వాహనాలు ఇవ్వకూడదని తెలిపారు. చిన్నారులు వాహనాలు నడపడం వల్ల కేవలం వారికి మాత్రమే కాకుండా, ఇతరుల ప్రాణాలకు కూడా ముప్పు తలెత్తుతుంది అని పోలీసులు స్పష్టంగా హెచ్చరించారు. అలాగే మైనర్ డ్రైవింగ్ మళ్లీ రెండవసారి నడిపితే సంబంధిత పిల్లల తల్లిదండ్రులపై చట్టపరమైన చర్యలు తీసుకుంటామని, కేసులు నమోదు చేయబడతాయని స్పష్టం చేశారు. పోలీసులు కేవలం శిక్షాత్మక చర్యలకే కాకుండా, తల్లిదండ్రులలో అవగాహన పెంచి, చిన్నారులను రక్షించే దిశగా కౌన్సెలింగ్ నిర్వహించారు. ఈ కౌన్సిలింగ్ లో పట్టణ ఇన్స్పెక్టర్ ప్రవీణ్ కుమార్, ఎస్ఐలు, సిబ్బంది ఉన్నారు.
నిర్మల్ జిల్లాలో మైనర్ల డ్రైవింగ్‌పై ప్రత్యేక దృష్టి
