బతుకమ్మ ఉత్సవాల్లో పాల్గొన్న మంత్రి వాకిటి శ్రీహరి సతీమణి

మఖ్తల్, మన ప్రజాపక్షం :తెలంగాణ రాష్ట్ర పశుసంవర్ధక, డైరీ అభివృద్ధి, క్రీడలు, యువజన సేవలు మరియు మత్స్యశాఖ మంత్రి డా.వాకిటి శ్రీహరి సతీమణి వాకిటి లలిత మక్తల్ పట్టణంలోని సంగంబండ రోడ్ సుగురేశ్వర కాలనీలో నిర్వహించిన బతుకమ్మ ఉత్సవాల్లో ముఖ్య అతిధిగా పాల్గొన్నారు. ఈ సందర్భంగా ఆమె స్థానిక మహిళలతో కలిసి బతుకమ్మలో పాల్గొని పూల పండుగను మరింత భవ్యంగా మార్చారు. తెలుగు సాంప్రదాయాలను కాపాడుకోవడంలో బతుకమ్మ పండుగకు ప్రత్యేక స్థానం ఉందని, ఆ ఉత్సవాలు సమాజంలో ఐక్యత, ఆనందాన్ని పంచుతాయని లలిత ఈ సందర్భంలో పేర్కొన్నారు. ఈ బతుకమ్మ ఉత్సవాల్లో పెద్ద ఎత్తున మహిళలు, యువతులు పాల్గొని సాంప్రదాయ వైభవాన్ని ప్రతిబింబించారు.