జిల్లా కోర్టు ప్రాంగణంలో న్యాయ విజ్ఞాన సదస్సు

నాగర్ కర్నూల్, మన ప్రజాపక్షం : నాగర్ కర్నూల్ జిల్లా న్యాయ సేవ అధికార సంస్థ ఆధ్వర్యంలో జిల్లా కోర్టు ప్రాంగణంలో న్యాయ విజ్ఞాన సదస్సు నిర్వహించడం జరిగింది. ఈ కార్యక్రమానికి ముఖ్యఅతిథిగా డి రమాకాంత్ ప్రిన్సిపల్  డిస్ట్రిక్ట్ అండ్ సెషన్స్ జడ్జ్ మరియు చైర్మన్ డిస్టిక్ లీగల్ సర్వీసెస్ అథారిటీ హాజరై విద్యార్థులను ఉద్దేశించి మాట్లాడుతూ విద్యార్థులు ప్రతి ఒక్కరు చదువుకొని జీవితంలో ఉన్నత శిఖరాలు అధిరోహించాలి అని అన్నారు. అదేవిధంగా విద్యార్థి, విద్యార్థినీలకు బాల్యవివాహాలు వాటి వల్ల జరిగే పరిణామాలు వివరించడం జరిగింది. బాల్య వివాహాలు అనేవి జరగడానికి ముఖ్య కారణం నిరక్షరాస్యత అని అన్నారు. అందువల్ల ప్రతి ఒక్కరు చదువుకోవడం వల్ల బాల్యవివాహాలను అరికట్టవచ్చు అని అన్నారు. అదేవిధంగా సోషల్ మీడియా వినియోగం మరియు దానివల్ల జరిగే లాభనష్టాలను వివరించడం జరిగింది. సోషల్ మీడియా పట్ల ప్రతి ఒక్కరు అప్రమత్తంగా ఉండాలి అని అన్నారు. సోషల్ మీడియాను మంచి విషయాల కొరకు మాత్రమే వాడాలి అని, సోషల్ మీడియా వల్ల మనం ఎన్నో కొత్త విషయాలు నేర్చుకోవడానికి అవకాశం ఉంటుంది అన్నారు. అదేవిధంగా మనం సోషల్ మీడియాను తప్పుగా ఉపయోగిస్తే వాటి వల్ల మనకు ఎన్నో అనర్ధాలు జరిగే అవకాశం ఉంది అని అన్నారు.  సెక్రటరీ డిస్టిక్ లీగల్ సర్వీసెస్ అథారిటీ నసీమా సుల్తానా మాట్లాడుతూ ప్రతి విద్యార్థి ఒక లక్ష్యాన్ని నిర్దేశించుకుని దానికి అనుగుణంగా కష్టపడి చదువుకోవాలి అని అన్నారు. అబ్దుల్ కలాం చెప్పిన విధంగా” కలలు కనండి వాటిని నిజజీవితంలో సహకారం చేసుకోవాలి” అని అన్నారు. కాబట్టి ప్రతి ఒక్కరు వారి కలలు నెరవేరే విధంగా కష్టపడి చదువుకోవాలి అని అన్నారు. ఈ సందర్భంగా నాగర్ కర్నూల్ ,తిమ్మాజిపేట, తెలకపల్లి, తాడూర్, బిజినపల్లి మండలాల పరిధిలోని అన్ని గవర్నమెంట్ పాఠశాలల్లో తేదీ10-09-2025 నాడు  54 పాఠశాలల్లోని సుమారు 6000 మంది విద్యార్థిని ,విద్యార్థులకు నిర్వహించిన వ్యాసరచన మరియు ఉపన్యాస పోటీలలో మండల స్థాయిలో విజేతలుగా నిలిచిన విద్యార్థి, విద్యార్థినీలకు ప్రతి మండల నుంచి వ్యాసరచనలో మొదటి, రెండవ, మూడవ బహుమతి ఉపన్యాసంలో మొదటి, రెండవ, మూడవ బహుమతులను చైల్డ్ వెల్ఫేర్ డిపార్ట్మెంట్ వారి సహకారంతో జిల్లా ప్రధాన న్యాయమూర్తి చేతులమీదుగా విద్యార్థి,విద్యార్థినీలకు బహుమతులను ప్రధానం చేయడం జరిగింది. అదేవిధంగా డిస్టిక్ లీగల్ సర్వీసెస్ అథారిటీ తరఫున చిన్నారులకు సర్టిఫికెట్ అందించడం జరిగింది. చైల్డ్ వెల్ఫేర్ డిపార్ట్మెంట్ యొక్క పోస్టర్ ఆవిష్కరణ చేయడం జరిగింది. అదేవిధంగా నాగర్ కర్నూల్ ఆర్టీసీ బస్టాండ్లో వృద్ధులకు మరియు వికలాంగులకు ఉపయోగపడే విధంగా వీల్ చైర్ను బార్ అసోసియేషన్ నాగర్ కర్నూల్ వారి సహకారంతో ఆర్టీసీ అధికారులకు జిల్లా జడ్జి చేతులమీదుగా వీల్ చైర్ను అందించడం జరిగింది. ఈ కార్యక్రమంలో సీనియర్ సివిల్ జడ్జ్ వెంకటరామ్, అడిషనల్ కలెక్టర్ అమర్నాథ్, డిస్టిక్ వెల్ఫేర్ ఆఫీసర్ రాజేశ్వరి, సిడబ్ల్యుసి చైర్ పర్సన్ లక్ష్మణరావు, బార్ అసోసియేషన్ ప్రెసిడెంట్ రమాకాంత్ ,బార్ సెక్రెటరీ మధుసూదన్ రావు , జె జె బి మెంబర్ గిరిజా ప్రతి, సి డబ్ల్యూ సి మెంబర్ ప్రసన్న , షి  టీం అధికారులు, ఎంఈఓ లు, టీచర్లు, విద్యార్థులు, విద్యార్థినిలు పాల్గొన్నారు.