జనగామ, మన ప్రజాపక్షం: రాజ్యాంగ బద్ధంగా ఉన్నటువంటి రిజర్వేషన్ ఎస్టి జాబితా నుండి లంబాడీలను తీసేయాలని కుట్ర చేస్తున్న కొంతమంది గోండు, కోయ వాళ్లు రాజకీయంగా లబ్ది పొందాలని కాంగ్రెస్ పార్టీలో ఉన్న సోయం బాబురావు, తెల్లం వెంకట్రావులను సస్పెండ్ చేయాలని రాష్ట్ర కమిటీ పిలుపు అందుకొని ముఖ్యమంత్రి రేవంత్ రెడ్డి ఇంటి ముందు ధర్నా నిరసన కార్యక్రమం సందర్భంగా జనగామ జిల్లా జివిఎస్ అధ్యక్షులు, లంబాడి జెఏసీ జిల్లా కన్వీనర్ కొర్ర రాజేందర్ నాయక్ ని అక్రమంగా ముందస్తు హౌస్ అరెస్ట్ చేసి జనగామ జిల్లా పోలీస్ స్టేషన్ కు తరలించారు. ఈ అరెస్టులతో మా ఉద్యమాలను, నిరసన కార్యక్రమాలను ఆపలేరు. గిరిజన లంబాడీలపై కుట్రలు ఇలాగే జరిగితే రాబోయే రోజుల్లో లంబాడి సంఘాల నాయకులు, పార్టీలకు అతీతంగా రాజకీయ నాయకులు, విద్యార్థి సంఘాల నాయకులు లంబాడి హక్కుల పోరాట సమితి నాయకులు, లంబాడి బంజారా ప్రజలందరిని ఏకం చేసి ఏ ఎన్నికలు వచ్చినా ప్రభుత్వానికి తప్పకుండా తగిన బుద్ధి చెప్తామని హెచ్చరిస్తున్నాం. అరెస్ట్ అయిన వారిలో ఎల్హెచ్పిఎస్ రాష్ట్ర ప్రధాన కార్యదర్శి అజ్మీర స్వామి నాయక్, ఎల్హెచ్పిఎస్ జిల్లా నాయకులు కనకరాజు నాయక్, టిజివిఎస్ సురేష్ నాయక్ తదితరులను అక్రమంగా అరెస్టు చేయడం జరిగింది.
లంబాడీల జోలికొస్తే ఖబర్దార్
