భూత్పూర్ లో ఘనంగా గాంధీ జయంతి వేడుకలు

భూత్పూర్, మన ప్రజాపక్షం :మహబూబ్ నగర్ జిల్లా భూత్పూర్ మండల కేంద్రంలోని ప్రధాన రహదారిపై గల మహాత్మా గాంధీ విగ్రహానికి మండల కాంగ్రెస్ పార్టీ అధ్యక్షులు కేసిరెడ్డి శ్రీనివాస్ రెడ్డి, కాంగ్రెస్ పార్టీ నాయకులు, కార్యకర్తలతో కలిసి పూలమాలలు వేసి నివాళులర్పించారు. ఈ సందర్భంగా వారు మాట్లాడుతూ రానున్న కాలంలో తెలంగాణ రాష్ట్రం అభివృద్ధి పథంలో నడుస్తుందని, కాంగ్రెస్ ప్రభుత్వం గాంధీజీ ఆశయాలకు అనుగుణంగా నడుచుకుంటూ, వారి ఆశయాలను కొనసాగిస్తుందని తెలిపారు. తదనంతరం భూత్పూర్ పట్టణ కేంద్రంలోని ప్రధాన శివాలయంలో దసరా పండగ సందర్భంగా పూజా కార్యక్రమాలు నిర్వహించారు. ఈ సందర్భంగా తెలంగాణ రాష్ట్రంలోని ప్రజలందరూ కూడా సుఖశాంతులతో వర్ధిల్లాలని, ఆ దుర్గామాత అనుగ్రహం అందరిపై ఉండాలని, అందరూ కూడా సుఖశాంతులతో అష్టైశ్వర్యాలతో వర్ధిల్లాలని వారు కొనియాడారు. తదనంతరం పట్టణంలోని వివిధ పూజా కార్యక్రమాలలో పాల్గొన్నారు. ఈ కార్యక్రమాల్లో భూత్పూర్ టౌన్ కాంగ్రెస్ పార్టీ అధ్యక్షులు లిక్కీ నవీన్ గౌడ్, యూత్ కాంగ్రెస్ అధ్యక్షులు భూపతి రెడ్డి , కాంగ్రెస్ పార్టీ సీనియర్ నాయకులు హర్యా నాయక్, కిట్టు రెడ్డి, మలిశెట్టి వెంకటేష్, తమన్నా గౌడ్, కాంగ్రెస్ పార్టీ ముఖ్య నాయకులు, తదితరులు పాల్గొన్నారు.