ఆలయాల అభివృద్ధికి పూర్తి సహకారం

జనగామ, మన ప్రజాపక్షం :స్టేషన్ ఘనపూర్ పరిధిలో గల ప్రధాన ఆలయల పైన జిల్లా కలెక్టర్ రిజ్వాన్ బాషా షేక్, ఎండోమెంట్ జాయింట్ కమిషనర్ రామ క్రిష్ణ రావులతో కలిసి దేవస్థానల చైర్మన్, ఈఓ, రెవిన్యూ, ఇంజనీరింగ్ అధికారులతో స్టేషన్ ఘనపూర్ శాసనసభ్యులు కడియం శ్రీహరి సమీక్షించారు. ఈ సందర్బంగా శాసనసభ్యులు కడియం శ్రీహరి మాట్లాడుతూ స్టేషన్ ఘనపూర్ నియోజకవర్గ పరిధిలో గల అన్ని దేవస్థానాల అభివృద్ధి కి ప్రత్యేక కార్యాచరణ రూపొందించాలన్నారు. జీడికల్ – రామచంద్ర స్వామి ఆలయం, చిల్పూర్ – బుగులు వెంకటేశ్వర స్వామి ఆలయం, స్టేషన్ ఘనపూర్ – తిరుమలనాథ స్వామి ఆలయం, నవాబ్ పేట – కోదండ రామస్వామి ఆలయం, చిన్నపెండ్యాల లక్ష్మి నరసింహ స్వామి ఆలయం, జఫర్ గడ్ లక్ష్మి నరసింహ స్వామి ఆలయం మొత్తం ఆరు దేవస్థానాలకు సంబందించి ఆలయల అభివృద్ధి పైన క్షుణ్ణంగా రివ్యూ నిర్వహించారు. నవంబర్ 10 వ తేదీన జరిగే జీడికల్ లక్ష్మి నర్సింహా స్వామి కళ్యాణన్ని పురస్కరించుకొని తగు ఏర్పాట్లు చేయాలన్నారు సీసీ రోడ్ వేయడం, ల్యాండ్ లేవలింగ్, జంగిల్ క్లియరెన్స్, మొక్కలను నాటడం అలాగే ఫెన్సింగ్, సులబ్ కాంప్లెక్స్ ఏర్పాటు, తదితర చర్యలను వెంటనే చేపట్టాలన్నారు. భక్తులు ఉండేందుకు రూమ్ లను నిర్మించాలన్నారు. భక్తులకు మెరుగైన సదుపాయాలు కల్పించాలన్నారు. కోదండ రామస్వామి గుడిలో కోతుల బేడద ను నివారించేందుకు చర్యలు తీసుకోవాలన్నారు. చిన్న పెండ్యాల లక్ష్మి నర్సింహా స్వామి దేవస్థానం కి సంబందించి విద్యుత్ సదుపాయాలను కల్పించాలన్నారు. దేవాలయాల భూములు అన్యాక్రాంతం కావద్దని దేవస్థానం పేరు మీదున్న అన్ని భూముల సర్వే జరిపించి రికార్డ్లు పక్కాగా ఉండలని, హద్దులను పెట్టాలన్నారు. కలెక్టర్ మాట్లాడుతూ ఆలయాల అభివృద్ధికి పూర్తి సహకారం అందిస్తామని అందుకు తగ్గట్టుగా రెవిన్యూ పరంగా
వేగవంతంగా చర్యలు తీసుకుంటామన్నారు. దేవాలయల భూములను త్వరగా సర్వే చేపిస్తామన్నారు. ఎండోమెంట్ అధికారులతో కో ఆర్డినేట్ చేసుకొని హద్దులను ఏర్పాటు చేయాలనీ తహసీల్దార్ లకు కలెక్టర్ ఆదేశాలు జారీ చేసారు. ఈ సమావేశంలో జనగాం, స్టేషన్ ఘనపూర్ ఆర్డీఓ లు గోపీరామ్, వెంకన్న స్టేషన్ ఘనపూర్, చిల్పూర్, లింగాలఘనపూర్ జఫర్ గడ్, రఘునాథ్పల్లి తహసీల్దార్ లు, జీడికల్, చిల్పూర్ దేవస్థానం కమిటీ చైర్మన్లు, దేవస్థానాల ఈఓలు తదితరులు పాల్గొన్నారు.