ముఖ్య అతిథిగా షెల్ కులాల ఉపసంచాలకులు సిహెచ్ దుర్గ ప్రసాద్
సాంఘిక సంక్షేమ బాలికల కళాశాల వసతి గృహ అధికారిని చందన
మంచిర్యాల, మన ప్రజాపక్షం :మంచిర్యాల జిల్లా కేంద్రంలోని ప్రభుత్వ సాంఘిక సంక్షేమ బాలికల కళాశాల వసతి గృహంలో బతుకమ్మ పండుగను కనుల పండుగలా ఘనంగా నిర్వహించారు. విద్యార్థినులు అధిక సంఖ్యలో పాల్గొని రంగురంగుల పూలతో బతుకమ్మలను అలంకరించారు. సంప్రదాయ బతుకమ్మ పాటలతో నృత్యాలు చేస్తూ వసతి గృహ ఆవరణంతా ఉత్సాహభరితమైన పండుగ వాతావరణాన్ని సృష్టించారు. ఈ వేడుకకు ముఖ్య అతిథిగా షెడ్యూల్ కులాల ఉపసంచాలకులు సిహెచ్ దుర్గ ప్రసాద్ వారి సతిమణితో పాల్గొనడం జరిగింది. ఈ సందర్భంగా వారు మాట్లాడుతూ తెలంగాణలో ప్రజలందరూ అత్యంత ఆనందంగా జరుపుకునే పండుగలలో బతుకమ్మ పండుగ ముఖ్యమైందని పేర్కొన్నారు. పువ్వులను పూజించడం ద్వారా ప్రకృతిని ఆరాధించే అద్భుతమైన సంస్కృతి బతుకమ్మలో దాగి ఉందని తెలిపారు. ఈ కార్యక్రమంలో వసతి గృహ సిబ్బందితో పాటు విద్యార్థులు తదితరులు పాల్గొన్నారు.
