సూర్యాపేట పేట ఎమ్మెల్యే క్యాంపు కార్యాలయంలో ప్రారంభమైన బతుకమ్మ సంబరాలు

సూర్యాపేట, మన ప్రజాపక్షం :సూర్యాపేట జిల్లా కేంద్రంలో మాజీమంత్రి, స్థానిక ఎమ్మెల్యే గుంటకండ్ల జగదీష్ రెడ్డి క్యాంపు కార్యాలయంలో ప్రారంభమైన బతుకమ్మ సంబరాలు. పెద్ద ఎత్తున మహిళలతో కలిసి బతుకమ్మ ను పేర్చుతున్న జగదీష్ రెడ్డి సతీమణి గుంటకండ్ల సునీతాజగదీష్ రెడ్డి. నేటి నుంచి తెలంగాణలో ఎంగిలిపూల బతుకమ్మ సంబరాలు! తెలంగాణ సంస్కృతి, సంప్రదాయాలకు చిహ్నం బతుకమ్మ పండగ. భాద్ర ప్రద మాసం అమావాస్య నుంచి ప్రారంభం అయ్యే ఈ సంబురాలు తొమ్మిది రోజుల పాటు తెలంగాణ ఆడపడుచులు ఘనంగా జరుపుకుంటారు. ప్రకృతితో మమేకమై ఈ పండగను చిన్న పెద్ద అనే తేడా లేకుండా ఎంతో ఉత్సాహంగా జరుపు కుంటారు. గునుగు, తంగేడు, పట్టుకుచ్చు, బంతి, చామంతి.. వంటి రంగు రంగుల పువ్వులను బతుకమ్మగా పేర్చి .. మహిళలంతా ఒక చోటకు చేరి ఆటపాటలతో సందడి చేస్తారు. ఆదివారం నుంచి ఎంగిలి పూల బతుకమ్మతో బతుకమ్మ సంబరాలు మొదలుకానున్నాయి.బతుకమ్మ అంటే బతుకు అంటే తెలుగులో జీవితం అని అర్థం. అమ్మ అంటే తల్లి అని అర్థం. దీనినే బతుకమ్మ అని అంటారు. అంటే.. జీవితమంతా సంతోషకరంగా సాగిపోవా లనేది ఈ బతుకమ్మ పండుగ ఆంతర్యం. భాద్రప్రద అమావాస్యని తెలంగాణలో పెత్ర అమావాస్య అంటారు. ఈ రోజున గుమ్మడి, గునుగు, తంగేడు, పట్టు కుచ్చు, బంతి, చామంతి వంటి రకరకాల పువ్వులతో అందమైన బతుకమ్మని పేరుస్తారు. తోలి రోజున పేర్చే బతుకమ్మని ఎంగిలిపూల బతుకమ్మగా పిలుస్తారు. బతుకమ్మని పెర్చేందుకు ఒక రోజు ముందే రకారకాల పువ్వులను సేకరించి.. వాటిని నీటిలో వేసి నిల్వ చేస్తారు. ఇలా ఒక రోజు నిద్ర చేసిన పువ్వులతో బతుకమ్మ మొదటి రోజున పేరుస్తారు. అందుకనే కొన్ని ప్రాంతాల్లో ఎంగిలి పువ్వుల బతుకమ్మ అని .. కొన్ని ప్రాంతాలలో తిన్న తర్వాత బతుకమ్మను పిలుస్తారట. తొలిరోజున పేర్చిన బతుకమ్మ ఎంగిలిపూల బతుకమ్మ. ఈరోజున తులసి దళాలు,నువ్వులు, పల్లీలు,బియ్యం పిండి, నూకలు కలిపి నైవేద్యంగా సమర్పిస్తారు. బతుకమ్మ ఆట పూర్తి అయ్యాక తర్వాత ఈ ప్రసాదాన్ని ఒకరికొకరు వాయనం ఇచ్చి పుచ్చుకోడవంతో మొదటి రోజు బతుకమ్మ పూర్తి అవుతుంది. తెలంగాణ సంస్కృతిని ప్రతిబింబించేలా మహిళలు చిన్న పెద్ద అనే తేడా లేకుండా అందంగా ముస్తాబవుతారు. మందారం, గుమ్మడి, గునుగు, బంతి, చామంతి, సీతమ్మ జడలు వంటి రకరకాల అందమైన పువ్వులతో బతుకమ్మలను పేర్చి దేవుని పూజ గదిలో ఉంచి ముందుగా పూజ చేస్తారు. ఆ తర్వాత సాయంత్రం వాటిని ఊరిలో ఒక చోటకు చేర్చి ఆడిపాడి బతుకమ్మకి స్వాగతం చెబుతారు. ఇలా మొదటి రోజు ఎంగిలిపూల బతుకమ్మతో బతుకమ్మ సంబురాలు ఘనంగా మొదలవుతాయి.