మద్దూరు, మన ప్రజాపక్షం : నారాయణపేట జిల్లా మద్దూరు కేంద్రంలోని యుపిఎస్ పాఠశాలలో ప్రతి సంవత్సరం లాగానే ఈ సంవత్సరం కూడా బతుకమ్మ సంబరాలను ఘనంగా నిర్వహించారు. ఈ కార్యక్రమంలో విద్యార్థినీలకు తెలంగాణ రాష్ట్ర ప్రాంతంలో గొప్పనైన పండుగల్లో ఒకటి బతుకమ్మ అని ప్రధానోపాధ్యాయులు కె. పద్మ తెలిపారు. ఈ సందర్బంగా ఆమె మాట్లాడుతూ పూలను, ప్రకృతినీ పూజించే పండగలను జరుపుకోవడం అనేది ఎంతో గొప్ప అని తెలియజేశారు. అలాగే మన సంస్కృతి, సాంప్రదాయాలు, నడవడికలు తెలియజేసుకోవడానికి ఇలాంటి పండగలు కారణమే అని తెలియజేశారు. ఈ కార్యక్రమంలో పాఠశాల ప్రధానోపాధ్యాయులు కె. పద్మ, స్వప్న, సుభాష్, గుడ్యా నాయక్, ఉపాధ్యాయ బృందం, విద్యార్థిని, విద్యార్థుల యొక్క తల్లిదండ్రులు పాల్గొన్నారు.
యుపిఎస్ పాఠశాలలో ఘనంగా బతుకమ్మ సంబరాలు
