ఎస్పీ కార్యాలయంలో ఘనంగా చాకలి ఐలమ్మ జయంతి వేడుకలు

సూర్యాపేట, మన ప్రజాపక్షం :తెలంగాణ రైతాంగ ఉద్యమానికి ఊపిరి పోసి తన ప్రాణాలను త్యాగం చేసి ఉద్యమ స్ఫూర్తి నింపిన వీర వనిత చాకలి ఐలమ్మ జయంతిని పురస్కరించుకుని జిల్లా పోలీస్ కార్యాలయంలో చాకలి ఐలమ్మ చిత్ర పటానికి జిల్లా ఎస్పి నరసింహ మరియు పోలీస్ అదికారులు, సిబ్బందితో కలిసి పూలమాల వేసి నివాళులుర్పించారు. ఈ సందర్భంగా ఎస్పి నర్సింహా మాట్లాడుతూ నిజాం రజాకార్లకు వ్యతిరేకంగా పోరాటం చేసిన వీర వనిత చాకలి ఐలమ్మను స్మరించుకోవడం జరిగింది. చాకలి ఐలమ్మ తెలంగాణ చరిత్రలో చిరస్మరణీయ స్థానం సంపాదించారు. రైతాంగ ఉద్యమంలో చురుకుగా పాల్గొన్నారు. సామాజిక న్యాయం కోసం, పేదల హక్కుల కోసం పోరాడిన ఆమె నిజమైన వీరవనిత ఆమె ధైర్యసాహసాలు, పోరాట స్పూర్తి ప్రతి ఒక్కరికీ స్ఫూర్తిదాయకం. తెలంగాణ ఆత్మగౌరవం కోసం ఐలమ్మ చేసిన త్యాగాలు ఈ తరం వారికి ఆదర్శం అని వారి ఆశయాలను కొనసాగించడం మనందరి బాధ్యత అన్నారు. ఈ కార్యక్రమంలో అదనపు ఎస్పీ జనార్ధన్ రెడ్డి, డిసిఆర్బి డిఎస్పీ రవి, స్పెషల్ బ్రాంచ్ ఇన్స్పెక్టర్ రామారావు, ఆర్ఎస్ఐ లు అశోక్, సాయిరాం, సిబ్బంది తదితరులు పాల్గొన్నారు.