శ్రీ కాకతీయ పాఠశాలలో ఘనంగా బతుకమ్మ సంబరాలు

నాగర్ కర్నూల్ జిల్లా అచ్చంపేట పట్టణంలోని శ్రీ కాకతీయ పాఠశాలలో బతుకమ్మ వేడుకలు ఘనంగా నిర్వహించారు. ఈ సందర్భంగా పాఠశాల డైరెక్టర్ హరితరాణి మాట్లాడుతూ మన దేశం ఆచారాలకు, సాంస్కృతి, సాంప్రదాయాలకు నిలయం అని అన్నారు. ప్రత్యేక తెలంగాణ రాష్ట్రం ఏర్పడ్డ నాటి నుండి బతుకమ్మ పండుగను రాష్ట్ర పండుగగా నిర్వహించుకుంటున్నామని వారు తెలిపారు. ఈ బతుకమ్మ వేడుకల్లో విద్యార్థులు, మహిళా ఉపాధ్యాయులు రకరకాల రంగు రంగుల పూలతో బతుకమ్మను చేసి బతుకమ్మ వేడుకను నిర్వహించుకున్నారు. ఈ వేడుకలో హలీమా, రాము, బాలు, భాస్కర్, శ్రీను, విద్యార్థులు తదితరులు పాల్గొన్నారు.