ఎరువుల దుకాణాలపై ఆకస్మిక తనిఖీలు

మంచిర్యాల, మన ప్రజాపక్షం :మంచిర్యాల జిల్లాలో యూరియా కొరత నెలకొన్న నేపథ్యంలో జిల్లా కలెక్టర్ కుమార్ దీపక్ స్పెషల్ టీంలను ఏర్పాటు చేసి జిల్లాలోని ఎరువుల దుకాణాలపై తనిఖీలు నిర్వహించి నివేదిక అందించాలని తనిఖీ బృందాలకు ఆదేశాలు జారీ చేశారు. మంచిర్యాల జిల్లా చెన్నూరు మండలంలో జిల్లా కలెక్టర్, జిల్లా వ్యవసాయ అధికారి ఆదేశాల మేరకు మండలంలోని ఎరువుల దుకాణాలను తనిఖీ చేశారు. తనిఖీల్లో భాగంగా ఏప్రిల్ మొదటి వారం నుండి సెప్టెంబర్ మూడో వారం వరకు జరిగిన ఎరువుల విక్రయాల గురించి, రైతుల వివరాలు బిల్ బుక్కులు స్టాక్ రిజిస్టర్స్ , ఈపీఓఎస్ మిషన్స్ స్టాక్ పై తనిఖీలు నిర్వహించారు. ఈ సందర్భంగా వ్యవసాయ శాఖ అధికారులు మాట్లాడుతూ రైతులతో ఈ కమిటీ నేరుగా క్షేత్రస్థాయిలో తనిఖీలు నిర్వహించామాని, రైతుల యొక్క వాంగ్మూలాన్ని రికార్డ్ చేసి, తనిఖీకి సంబంధించిన వివరాలను ఉన్నతాధికారులకు అందిస్తామని అధికారులు పేర్కొన్నారు. మండలంలో తనిఖీలో భాగంగా డీసీఎంఎస్ కిష్టంపేట్, శ్రీ అయ్యప్ప ట్రేడర్స్, చెన్నూర్, ఎరువుల దుకాణాలను తనిఖీ చేయడం జరిగిందన్నారు. ఏడిఎ పిపి జిల్లా వ్యవసాయ అధికారి కార్యాలయం గోపి, ఏడిఏ మంచిర్యాల్ కృష్ణ, చెన్నూరు డివిజన్ ఏడిఏ బి. ప్రసాద్, పిఎటు ఎడిఎ రజిత, కాసిపేట మండల్ మండల వ్యవసాయ అధికారి ప్రభాకర్, చెన్నూర్ మండలం మండల వ్యవసాయ అధికారి కే యామిని, రైతులు, ఎరువుల దుకాణాల డీలర్లు, తదితరులు పాల్గొన్నారు.