బతుకమ్మ పాటల పుస్తకం ఆవిష్కరణ

సూర్యాపేట, మన ప్రజాపక్షం :తెలంగాణ సాంస్కృతి, సాంప్రదాయాలను ప్రతిబింబించే అతి పెద్దపండుగ బతుకమ్మ పండుగ అని శ్రీ వాసవి సేవాసమితి సూర్యాపేట జిల్లా అధ్యక్షులు బచ్చు పురుషోత్తం తెలిపారు. గురువారం సూర్యాపేట జిల్లా కేంద్రంలోని మినీ ట్యాంక్ బండ్ పై శ్రీ వాసవి సేవాసమితి జిల్లా గౌరవ అధ్యక్షులు ఈగ దయాకర్ గుప్తా సభ్యులతో కలిసి నూతనంగా తయారు చేయించిన బతుకమ్మ పాటల పుస్తకాలను ఆవిష్కరించారు. ఈ సందర్బంగా వారు మాట్లాడుతూ గత 9 సంవత్సరాల క్రితం వనపర్తికి చెందిన పూరి సురేష్ శెట్టి స్థాపించిన శ్రీ వాసవి సేవాసమితి అనే స్వచ్ఛంద సంస్థ సూర్యాపేట జిల్లా కేంద్రంలో నూతనంగా ఏర్పాటు చేసి మొట్ట మొదటి కార్యక్రమంగా ఆధ్యాత్మిక సేవా కార్యక్రమం తీసుకొని భక్తుల సహకారంతో 1000 పుస్తకాలు ఉచితంగా పంపిణీ చేస్తున్నట్లు తెలిపారు. శ్రీ వాసవి సేవాసమితి ద్వారా మున్ముందు ఎన్నో సామాజిక, ఆధ్యాత్మిక కార్యక్రమాలు నేటి పుస్తక ఆవిష్కరణ కార్యక్రమంతో నిరంతరం నిర్వహించనున్నట్లు తెలిపారు. సమాజ సేవలో పాల్గొనే ఆసక్తి గల ఉత్సాహవంతులు సభ్యులుగా చేరవచ్చు అని తెలిపారు. బతుకమ్మ పుస్తకాలు కావలసిన వారు శ్రీ వాసవి సేవాసమితి సభ్యులను సంప్రదించాలన్నారు. ఈ పుస్తక రూప కల్పనకు సహరించిన మిత్రులకు, శ్రేయోభిలాషులకు ధన్యవాదాలు తెలిపారు. గౌరవ అధ్యక్షులు ఈగ దయాకర్ గుప్తా మాట్లాడుతూ శ్రీ వాసవి సేవాసమితి సూర్యాపేట జిల్లా అధ్యక్షులుగా నియమింపబడిన బచ్చు పురుషోత్తం అభినందనలు తెలిపారు. బతుకమ్మ పండుగ సందర్భంగా ఆడపడుచులకు శుభాకాంక్షలు తెలిపారు. జిల్లా అధ్యక్షులుగా అందరి సభ్యుల సహకారంతో మంచి ఆధ్యాత్మిక సామాజిక సేవా కార్యక్రమాలు నిర్వహించి అందరి మన్ననలు పొందాలన్నారు. ప్రతి ఒక్కరి ఇంటిలో బతుకమ్మ పాటలు ఉండాలి అని మొదటగా ఈ కార్యక్రమం ఎంచుకున్నట్లు తెలిపారు. ఈ కార్యక్రమంలో శ్రీ వాసవి సేవాసమితి సభ్యులు మిరియాల సుధాకర్, గజ్జల రవీందర్, రాచకొండ శ్రీనివాస్, కొండ అనిల్ కుమార్, మహంకాళి ప్రణీత్, సోమ ప్రవీణ్ కుమార్, వీరవెల్లి విజయ్, సోమ సుమన్, ఈగ విజయలక్ష్మి, దేవరశెట్టి ఉమారాణి, చల్లా భారతి, నీలా ఉమారాణి, వీరవెల్లి ఉమ, బజ్జూరు శ్రీనివాస్, గుండా పరమేష్ తదితరులు పాల్గొన్నారు.

Mana Praja Paksham Desk
Mana Praja Paksham Desk
Articles: 224

Leave a Reply

Your email address will not be published. Required fields are marked *