భూత్పూర్, మన ప్రజాపక్షం : భూత్పూర్ మున్సిపాలిటీ కేంద్రంలోని అమిస్తాపూర్ గ్రామంలో గల నోవాల్టెక్ కంపెనీ యాజమాన్యం కంపెనీ మూసివేయడంతో తమ కంపెనీలో పని చేసే కార్మికులకు ఉపాధి లేకుండా పోయిందని కార్మికులు కంపెనీ ముందు గత కొన్ని రోజులుగా ధర్నా చేస్తున్నారు. ఈ ధర్నాలో భాగంగా మంగళవారం భూత్పూర్ పట్టణ కాంగ్రెస్ పార్టీ అధ్యక్షులు నవీన్ గౌడ్ కొంతమంది కాంగ్రెస్ పార్టీ నాయకులు వారికి సంఘీభావంగా ఈ ధర్నాలో పాల్గొన్నారు. తమ కార్మికులకు ఎలాంటి ముందస్తు నోటీసులు లేకుండా తన కంపెనీని మూసివేయడంతో ఆ కంపెనీలో పని చేసే కార్మికులు దాదాపు 40 నుండి 50 కుటుంబాలు తమ ఉపాధిని కోల్పోయి రోడ్డున పడడం జరిగిందని, ఇదే విషయాన్ని స్థానికంగా ఉన్న కార్మికులు భూత్పూర్ మున్సిపాలిటీ కాంగ్రెస్ పార్టీ దృష్టికి తీసుకురావడంతో భూత్పూర్ పట్టణ కాంగ్రెస్ పార్టీ అధ్యక్షులు నవీన్ గౌడ్ ,కాంగ్రెస్ పార్టీ సీనియర్ నాయకులు కేంద్యాల నరేందర్ ఆధ్వర్యంలో కాంగ్రెస్ పార్టీ నాయకులు మట్టి ఆనంద్, దుప్పల్లి రవితేజ, బత్తుల మల్లికార్జున్, బుడ్డ చిన్నయ్య గారి నర్సింహులు, ఎండి మన్నన్ , గడ్డం ఎర్రన్న , ఇతర నాయకులు అందరూ కలిసి కంపెనీ ముందర ధర్నా చేస్తున్న నోవాల్టెక్ కంపెనీ కార్మికులకు సంఘీభావాన్ని తెలిపి కార్మికులకు తగు న్యాయం చేసే విధంగా చూస్తామని వారికి హామీ ఇవ్వడం జరిగింది. ఈ కార్యక్రమంలో పలు కాంగ్రెస్ పార్టీ నాయకులు, కార్యకర్తలు పాల్గొన్నారు.
నోవాల్టెక్ కంపెనీ కార్మికులకు సంఘీభావం తెల్పిన కాంగ్రెస్ నాయకులు
