108 అంబులెన్సులో గర్భిణీ ప్రసవం

• సిబ్బందిని అభినందించిన వైద్య సిబ్బంది

మాగనూరు, మన ప్రజాపక్షం :108 అంబులెన్స్ వాహనంలో గర్భిణీ ప్రసవంచి పండంటి మగబిడ్డకు జన్మనిచ్చిన ఘటన మాగనూర్ మండలంలో చోటుచేసుకుంది. మాగనూర్ మండలం కొల్పూర్ గ్రామానికి చెందిన అశ్విని కు నెలలు నిండడంతో గురువారం పురిటి నొప్పులు రావడంతో ఆశ వర్కర్ 108 వాహనానికి సమాచారం అందించారు. సమాచారం అందుకున్న 108 సిబ్బంది వెంటనే స్పందించి కొల్పూర్ గ్రామంలోని గర్భిణి స్త్రీని 108 వాహనంలో మగనూర్ ప్రభుత్వ ఆసుపత్రికి తరలిస్తుండగా మార్గం మధ్యలో అశ్విని కు పురిటి నొప్పులు అధికం కావడంతో 108 వాహనంలోనే ఈఎంటి శేఖర్, పైలట్ మల్లికార్జున్ గర్భిణీ కుటుంబ సభ్యుల సహాయంతో అంబులెన్స్ లోనే సుఖ ప్రసవం చేశారు. దీంతో గర్భిణీ అశ్విని పండంటి మగబిడ్డకు జన్మనిచ్చింది. తల్లి బిడ్డను పిహెచ్సీ మగనూర్ లో చేర్పించారు. అక్కడి వైద్యులు తల్లి బిడ్డను పరిశీలించి తల్లి, బిడ్డ ఆరోగ్యంగా క్షేమంగా ఉన్నారని తెలిపారు. సమయస్ఫూర్తితో గర్భిణీకి సుఖప్రసవం చేసిన 108 సిబ్బంది, ఈఎంటి శేఖర్, పైలెట్ మల్లికార్జున్ లను కుటుంబ సభ్యులతో పాటు ఆసుపత్రి వైద్యులు అభినందించారు.