దళిత కార్మికుని వద్ద 2 లక్షలు బదులు తీసుకున్న పి పి 7 మేనేజర్
అడిగినందుకు పి పి 6 , 7 మేనేజర్ల దూకుడు
అప్పు ఇచ్చినందుకు అడిగినందుకు ఉద్యోగం నుంచి తొలగించిన మేనేజర్లు
రాయల నవీన్ ని ఉద్యోగంలోకు వెంటనే తీసుకోవాలి
కులం పేరుతో దూషించిన మేనేజర్ల పై ఎస్సీ అట్రాసిటీ కేసు నమోదు చేయాలి
దళిత జర్నలిస్ట్ ఫోరం వర్కింగ్ ప్రెసిడెంట్ రత్న కుమార్ డిమాండ్
బుర్గంపాడు, మన ప్రజా పక్షం :భద్రాద్రి కొత్తగూడెం జిల్లా పినపాక నియోజకవర్గం బూర్గంపాడు మండలం సారపాక గ్రామపంచాయతీ పరిధిలో ఐటిసి కంపెనీలో వింత సంఘటన చోటుచేసుకుంది. గౌరవప్రదమైన ఉద్యోగాన్ని చేస్తూ సాధారణ కార్మికుల వద్ద పి పి7 మేనేజర్ ఖాదర్ ఖాన్ రెండు లక్షల రూపాయలు అప్పుగా మాయ మాటలు చెబుతూ మభ్యపెట్టి తీసుకున్నారు. రెండు సంవత్సరాలైనా ఇవ్వకపోగా అడుగుతున్నందుకు 10 సంవత్సరములుగా ఐటీసీలో ఉద్యోగం చేస్తున్న కార్మికుడిని అకారణంగా 20 రోజులుగా ఉద్యోగానికి రాకుండా చేసినారు. పిపి 6 మేనేజర్ యశ్వంత్ నాయుడు పరిధిలో కార్మికుడు నవీన్ ఉద్యోగం చేస్తున్నాడు. రెండు లక్షలు ఇవ్వమని మేనేజర్ ను నిలదీసిన సాధారణ కార్మికుడు రాయల నవీన్, ఇద్దరు మేనేజర్లు ఒకటై దళితుడైన నవీన్ ను కులం పేరుతో దూషిస్తూ చులకనగా మాట్లాడుతూ నిత్యము వేధిస్తున్నారు. దేనితో రాయల నవీన్ మేనేజర్ డబ్బులు కచ్చితంగా కావాలని నిలదీయడంతో 20 రోజులుగా ఉద్యోగానికి రాకుండా చేస్తున్నారు. సాధారణ కార్మికుడి పై కక్షగట్టి దళితుని కులం పేరుతో దూషిస్తూ అహంకారంగా ప్రవర్తిస్తున్న మేనేజర్ పై చర్యలు తీసుకోరా.?తీసుకోలేరా…? తనకు మాయ మాటలు చెప్పి రెండు లక్షల రూపాయలు తీసుకొని డబ్బులు అడిగితే 20 రోజులుగా డ్యూటీని ఆఫ్ చేసి తన ప్రతాపాన్ని చూపిన ఐటీసీ మేనేజర్లు. పేద కార్మికుడి పై ప్రతాపం చూపిస్తూ తనకున్న బలాన్ని ప్రయోగం చేస్తూ ఇబ్బందులకు గురి చేస్తున్న మేనేజర్లపై చర్యలు తీసుకోవాలని తనకు న్యాయం చేయాలని కోరుతున్న దళిత కార్మికుడు. కులం పేరుతో దూషించడం తోపాటు తనకున్న అండతో డ్యూటీకి రాకుండా చేసి తన కుటుంబం పై పెను భారం మోపిన వారిపై చర్యలు తీసుకోవాలని, తనను కులం పేరుతో, హీనంగా చూస్తూ దూషించిన వారిపై అట్రాసిటీ కేసు నమోదు చేయాలని పోలీసులను ఆశ్రయించిన ఐటీసీ కార్మికుడు. పేదవాడికి ఒక న్యాయం బడా బాబుకి ఒక న్యాయమా….? డబ్బులు తీసుకుని తిరిగి ఇవ్వమంటే తను పనిచేస్తున్న పని నుండి తొలగించటం సమంజసమా…? భార్య నిండు గర్భిణీతో ఆసుపత్రికి వెళ్లాలని అని కోరితే ఆసుపత్రికి తీసుకువెళ్లినందుకు సదరు మేనేజర్ హేళనగా డ్యూటీ కావాలా భార్య కావాల అని ప్రశ్న వేయడం ఎంతవరకు సమంజసం సదరు మేనేజర్ కి మానవత్వం ఉందా…? డబ్బులు అడిగితే పనికి రానివ్వకుండా హుకుం జారి చేయటం కరెక్టేనా? దళిత కార్మికుడికి అందరూ అండగా నిలవాలని ఐ టి సి కార్మికులను హీనంగా చూడటం ఆ మేనేజర్లకి సమంజసమేనా అనే ప్రశ్నలు వినిపిస్తూ ఉన్నాయి. పోలీసుల దృష్టికి ఐటిసి యాజమాన్యం దృష్టికి సదరు కాంట్రాక్ట్ కార్మికుడు తీసుకు వెళ్లడం జరిగింది.ఇబ్బందులకు గురిచేసిన వారిపై చర్యలు తీసుకోవాలి తను చెల్లించిన డబ్బులు తిరిగి ఇప్పించేందుకు తనకు న్యాయం చేసే విధం గా అందరూ అండగా నిలవాలి. దళితులపై ప్రతాపం చూపించి తన పైశాచిక ఆనందాన్ని పొందిన మేనేజర్ పై తగిన చర్యలు తీసుకోవాల్సిన అవసరం ఎంతైనా ఉందని పలువురు అతనిపై చర్యలు తీసుకోవాలని కేసు నమోదు చేయాలని డిమాండ్ చేస్తూ ఉన్నారు. దళిత కార్మికుడికి ఐటీసీలో మరల ఉద్యోగం ఇవ్వాలని. తను చెల్లించిన డబ్బులు మేనేజర్ గౌరవంగా తన కుటుంబానికి చెల్లించాలని డిమాండ్ వినిపిస్తుంది. లేనిపక్షంలో రాబోయే రోజుల్లో దళిత కార్మికుడు చేసే ఆందోళనకు పూర్తి బాధ్యత సదరు ఐటీసీ మేనేజర్లు అవుతారు. సమస్య పరిష్కరించుకుంటారా ఆందోళన బాట సదరు కార్మికుడు పట్టాల అనేది ఐటిసి అధికారులే తేల్చాల్సి ఉంది.
